पुरन अधिकारी ,पश्चिम नवलपरासी मंगलबार, साउन ०५, २०७८

बैदेशिक रोजगारीलाई मर्यादित बनाउनका लागि नेपाल अधिराज्य भरिका उन्चालीस जिल्लामा सञ्चालित सामी परियोजना अन्तरगत पश्चिम नवलपरासीको वार्षिक समिक्षा बैठक सम्पन्न भएको छ।

इन्द्रेणी सामाजिक विकास मञ्च बर्दघाट ९ भुताहाका अध्यक्ष बद्री प्रसाद सुवेदीको अध्यक्षतामा सम्पन्न कार्यक्रममा परियोजना सम्योजक ज्ञानेश्वर भण्डारीले अार्थिक वर्ष २०७७/७८ मा पश्चिम नवलपरासीका चौबीस जना कामदारको बैदेशिक रोजगारीको क्रममा विश्वका विभिन्न मुलुकमा मृत्युु भएको जानकारी दिनुभयो यसरी मृत्यु हुनेहरूमा बर्दघाट नगरपालिका र सुनवल नगरपालिकाका अधिक रहेको पाईएको छ।बैदेशिक रोजगारीको क्रममा मृत्यु हुने कामदारहरु कार्यरत देशको गणना गर्दा साउदी अरबमा सात जना मलेसियामा छ जना दुबईमा पाँच जना कतार र कुवेतमा दुई दुई जना जापान र बहराइनमा एक एक जना गरि जम्मा चौबीस जनाको बैदेशिक रोजगारीको क्रममा मृत्यु भएको हो।
यस परियोजनामा पश्चिम नवलपरासी भित्र बत्तीस जना कार्यरत छन् भने परियोजनाले जिल्ला प्रशासन कार्यलय परासी नजिक अाप्रवासी श्रोत केन्द्र र सेमरीमा उपकेन्द्र स्थापना समेत गरि बैदेशिक रोजगारीसङ्ग सम्बन्धित व्यक्तिहरूको लागि सुचना,कानुनी परामर्श, न्यायमा पहुँच र सिपको लागि सहजिकरण समेत गर्देे अाईरहेको छ।
यस परियोजनाले एक वर्षको अवधिमा श्रोत केन्द्र र रिटर्नि स्वयमसेवक मार्फत गाउँ र घर-घरमा पुगि यस क्षेत्रका एघार हजार अस्सी जनामा बैदेशिक रोजगारी सम्बन्धि विविध सुचना समेत प्रदान गर्नुको साथै यस अवधि भित्र परियोजनामा बैदेशिक रोजगारीको क्रममा अाईपरेका १८७ वटा समस्याका केशहरु दर्ता भएकोमा हालको ७१ वटा केश गत वर्षको ८३ वटा गरि जम्मा १५४ वटा (केश)समस्या निराकरण भएको र सम्बन्धित व्यक्ति र परिवारले ४ करोड ६४ हजार अार्थिक सहयोग र क्षतिपूर्ति सहयोग समेत प्राप्त गरेको परियोजनाकी परामर्शकर्ता रमा अालेले जानकारी दिनुभयो ।
सामी परियोजना नेपाल सरकार र स्वीस सरकारको दुईपक्षिय सम्झौता अनुसार श्रम रोजगार तथा सामाजिक सुरक्षा मन्त्रालय र स्थानीय सरकारको नेतृत्वमा सन्चालित छ भने यस परियोजनालाई हेल्भेटास नेपालले समेत प्राविधिक सहयोग प्रदान गरेको छ।

हाम्रो बारेमा

समाचार पोर्टल हो । यसले खोजमूलक समाचार, विचार-विश्लेषण, अन्तर्वार्तासहित विभिन्न क्षेत्रका सूचनालाई समाचारको रुपमा प्रस्तुत गर्दछ । यसका साथै मनोरन्जन पक्षलाई समेत मिडियाले समाबेश गर्दै अघि बढ्नेछ ।

सम्पर्क

बाबा बर्दगोरिया मिडिया प्रा.ली

प्रधान कार्यलय : सुनवल १३ सग्राहवा नवलपरासी

सूचना बिभाग दर्ता न : १८७८८९/०७४/०७५

ई-मेल: [email protected]

समाचार सूचना तथा बिज्ञापन प्रकाशनको लागि सम्पर्क ९८५७०८१४१२ ९८१२९८३६८३

हाम्रो टिम

अध्यक्ष अमर नाथ कुवर
प्रबन्धक नन्दु कुवर
समाचार प्रमुख टिकाराम गौरै
समाचार सहायक उर्मिला यादब
सुनवल सम्बाददाता पुरन अधिकारी
बर्दघाट सम्बादाता रामु भुसाल